Горкі

АБАРОНА ІНТАРЭСАЎ БЕЛАРУСІ – АДЗІНАЯ МЭТА ПАРТЫІ БНФ (Пасланьне Партыі БНФ на выбарах)

 Мы любім Беларусь. Беларускі Народны Фронт заўсёды адстойвае беларускія нацыянальныя інтарэсы, палітычную і эканамічную незалежнасьць краіны.

Мы змагаемся за тое, каб нашыя людзі мелі гарантаваныя правы, рэальна карысталіся дэмакратычнымі свабодамі, жылі па-эўрапейску заможна.

Каб зрабіць Беларусь свабоднай і заможнай краінай, каб беларускі народ меў будучыню, трэба найперш:

• вызваліць вытворчую і прадпрымальніцкую ініцыятыву,

• спыніць небясьпечныя палітычныя гульні ў “саюзную дзяржаву”, арыентавацца на далучэньне Беларусі да Эўразьвязу і НАТО,

• забясьпечыць прыход у краіну заходніх інвэстыцыяў, не дапусьціць манапалізацыі беларускай уласнасьці расейскім капіталам,

• забясьпечыць дзяржаўную падтрымку беларускай мове, культуры, традыцыям,

• падтрымаць здаровую сям’ю і хрысьціянскія маральныя каштоўнасьці.

Дамагчыся гэтых мэтаў беларускі народ зможа, калі будзе рэальна абіраць і кантраляваць уладу. Таму мы патрабуем свабодных, сумленных, справядлівых выбараў. Партыя БНФ бараніла і будзе бараніць беларускі нацыянальны інтарэс у любых умовах.

ЖЫВЕ БЕЛАРУСЬ!